ترجمان وزارت خارجہ: مزید ڈراؤنے خواب جنگ کے شعلے بھڑکانے والوں کے انتظار میں

Mar ۰۳, ۲۰۲۶ ۰۰:۵۹ Asia/Tehran

ایران کی وزارت خارجہ کے ترجمان اسماعیل بقائی نے کہا ہے کہ مزید ڈراؤنے خواب جنگ کے شعلے بھڑکانے والوں کے انتظار میں ہیں۔

سحرنیوز/ایران: اسما‏عیل بقائی نے لبنان کے المیادین ٹی وی چینل سے بات چیت کرتے ہوئے کہا کہ ایران اس جنگ میں اپنے دفاع کی حالت میں ہے اور ہمسایہ ممالک میں موجود امریکی اڈوں پر حملے اسی وجہ سے ہیں اس لیے کہ دشمن نے ایران پر جنگ مسلط کی ہےاور وہ ہمسایہ ممالک کے وسائل و امکانات کو ایران کے خلاف استعمال کر رہا ہے۔

انھوں نے ایران امریکہ مذاکرات کی طرف اشارہ کرتے ہوئے کہا کہ طے پایا تھا کہ پیر کے روز ٹیکنیکل مذاکرات ہوں گے لیکن اس سے دو دن پہلے ہی اس نے ایران پر حملہ کر دیا لیکن دنیا پر واضح ہو گیا کہ دشمن کا ہدف و مقصد شروع سے ہی جنگ تھا نہ کہ مذاکرات، اور ایران کا ایٹمی پروگرام صرف ایک بہانہ تھا۔

ہمیں فالو کریں:

ایرانی وزارت خارجہ کے ترجمان نے مزید کہا کہ ایران دشمن کو جواب دینے کے لیے اپنی توانائی اور طاقت استعمال کر رہا ہے اور جنھوں نے مغربی ایشیا میں جنگ شروع کی ہے وہ مزید ڈراؤنے خواب دیکھیں گے۔