SAHAR

حزب اللہ لبنان کے سیکرٹری جنرل شیخ نعیم قاسم نے کہا ہے کہ عالمی یوم القدس استکبار کے خلاف مظلوموں کی مزاحمت کی علامت ہے۔

سحرنیوز/عالم اسلام: حزب اللہ لبنان کے سیکرٹری جنرل شیخ نعیم قاسم نے فلسطین کے حالات کی طرف  اشارہ کرتے ہوئے کہا کہ آج ہم فلسطین میں گہری جڑیں رکھنے والی عوامی مزاحمت کا مشاہدہ کر رہے ہیں جو پوری قوت کے ساتھ اپنے راستے پر گامزن ہے۔
شیخ نعیم قاسم نے اس بات پر زور دیا کہ یوم القدس فلسطین سے نکل کر ایک عالمی مسئلہ بن گیا ہے اور خطے کی تاریخ پر اس دن کے اثرات کو سمجھنا بہت ضروری ہے کیونکہ اس کے اعلان کے بعد سے آج تک فلسطین کی آزادی کے حق میں بہت سی کوششیں ہوئی ہیں۔
شیخ نعیم قاسم نے مزید کہا کہ آج ہم فلسطین میں عوامی مزاحمت کا مشاہدہ کر رہے جس کا ہدف سمندر سے دریا تک اس سرزمین کی آزادی ہے۔ انہوں نے اس بات پر بھی زور دیا کہ طوفان الاقصی نے فلسطین کو عالمی مسئلے میں تبدیل کر دیا ہے۔
انہوں نے اسرائیل کی توسیع پسندانہ پالیسیوں کا ذکر کرتے ہوئے کہا کہ گذشتہ 75 سالوں سے اس غاصب حکومت نے اپنے توسیع پسندانہ اہداف کے تحت فلسطین پر قبضے اور تسلط کو جاری رکھا ہے لیکن فلسطینی قوم ناقابل شکست ہے کیونکہ اس کے پاس وہ حق ہے جس کا وعدہ خدا کی کتاب میں دیا گیا ہے اور آخر کار فتح اسی ہوگی۔
حزب اللہ کے سیکرٹری جنرل نے لبنان اور فلسطین کی حمایت میں حزب اللہ کے کردار کا ذکر کرتے ہوئے زور دیا کہ ہم لبنان کو آزاد کرانے اور اس کی سلامتی کے لئے جد و جہد کر رہے ہیں، حزب اللہ نے فلسطینی قوم اور غزہ میں مزاحمت کی بھرپور حمایت کی ہے۔
انہوں نے شہید حسن نصراللہ کے کردار کی طرف اشارہ کرتے ہوئے کہا کہ فلسطین کے لیے حزب اللہ کی حمایت اپنے اعلیٰ ترین درجے پر ہے اور شہید مقاومت سید حسن نصر اللہ اس قربانی کی واضح مثال ہیں۔