SAHAR

فلسطین کی تحریک حماس کے فوجی بازو القسام بریگیڈ نے غزہ میں فلسطینی شہریوں پر اسرائیلی حملوں کے جواب میں اشدود پر میزائل حملہ کیا ہے۔

سحر نیوز/ عالم اسلام: فلسطینی مزاحمتی تنظیم حماس کے عسکری بازو القسام بریگیڈ نے مقبوضہ فلسطین کے شہر اشدود پر ایس پچپن میزائل داغنے کا اعلان کیا ہے۔تحریک حماس کے بیان کے مطابق یہ حملہ غزہ میں صیہونی جارحیت اور عام شہریوں کے قتل عام کے جواب میں کیا گیا۔ حماس کا کہنا ہے کہ جب تک صہیونی افواج عام شہریوں کو نشانہ بناتی رہیں گی، جوابی حملے بھی جاری رہیں گے۔ مقامی ذرائع نے اشدود میں دھماکوں کی آوازوں اور سائرن بجنے کی اطلاع دی ہے۔ دوسری جانب غزہ میں جنگ بندی اور انسانی امداد کی فراہمی کے لیے بین الاقوامی سطح پر کوششیں جاری ہیں، لیکن زمینی حقائق تاحال تشویشناک ہیں۔