اعلیٰ کمانڈر ہیثم علی طباطبائی صیہونی حکومت کے حملے میں شہید ہوگئے: حزب اللہ
حزب اللہ لبنان نے غاصب صیہونی حکومت کی وحشیانہ جارحیت میں اپنے ایک اعلیٰ کمانڈر ہیثم علی طباطبائی کی شہادت کی خبر دی ہے۔
سحرنیوز/عالم اسلام: ارنا کی رپورٹ کے مطابق اسلامی استقامتی تحریک حزب اللہ لبنان نے ایک بیان میں کہا ہے کہ لبنان اور لبنانی عوام کے خلاف غاصب صیہونی حکومت کی تازہ وحشیانہ جارحیت میں، ہمارے ایک ممتاز اور اعلیٰ کمانڈر ہیثم علی طباطبائی شہید ہوگئے ہیں۔
رپورٹ کے مطابق حزب اللہ نے اپنے بیان میں کہا ہے کہ اس تحریک نے افتخار اور سرافرازی کے ساتھ "سید ابو علی" نام سے مشہور ہیثم علی طباطبائی کو ایک عظیم جہادی کمانڈر کے طور پر متعارف کرایا جنہوں نے اپنی عمر لبنان کے دفاع اور غاصب صیہونی حکومت سے مقابلے میں گزاردی۔
حزب اللہ نے صیہونی حکومت کی اس وحشیانہ جارحیت کو لبنان اور اس کے عوام کے خلاف بزدلانہ اقدام قرار دیا ہے۔
حزب اللہ نے اپنے بیان میں کہا ہے کہ "وہ ( ہیثم علی طباطبائی) برسوں اخلاص و صداقت کے ساتھ اور مزاحمت و جہاد میں زندگی بسر کرنے کے بعد، اپنے شہید برادران سے جاملے اور اپنی بابرکت زندگی کے آخری لمحے تک استقامت اور پائیداری کے راستے پر گامزن رہے۔ "
ہمیں فالو کریں:
Follow us: Facebook, X, instagram, tiktok
