صیہونی حکومت کی طرف سے ایک بار پھر جنگ بندی کی خلاف ورزی، غزہ کے مختلف علاقوں پر زمینی اور ہوائی حملے
غاصب صیہونی حکومت نے ایک بار پھر جنگ بندی کی خلاف ورزی کرتے ہوئے غزہ کے مختلف علاقوں کو زمینی اور ہوائی حملوں کا نشانہ بنایا ہے۔
سحرنیوز/عالم اسلام: ارنا کی رپورٹ کے مطابق غاصب صیہونی حکومت کی فوج نے ایک بار پھر جنگ بندی کی خلاف ورزی کرتے ہوئے مشرقی غزہ اور رفح میں جارحانہ اور ظالمانہ کارروائیاں انجام دی ہیں۔
رپورٹ کے مطابق صیہونی فوجیوں نے مشرقی غزہ میں تین خوفناک دھماکے کئے جن کی آواز پورے غزہ میں سنائی دی۔ صیہونی حکومت کے ٹینکوں اور فوجی گاڑیوں نے بھی مشرقی خان یونس اور البریج کیمپ پر بھاری گولہ باری کی ہے اور ساتھ ہی دھماکہ خیز روبوٹس کے ذریعے متعدد گھروں کو تباہ کردیا۔
فلسطینی میڈیا کے مطابق گزشتہ 48 گھنٹے کے دوران صیہونی حکومت کے جنگی طیاروں نے رفح کے علاقے پر چھ مرتبہ ہوائی حملے کئے ہیں۔
ہمیں فالو کریں:
Follow us: Facebook, X, instagram, tiktok
صیہونی حکومت کے یہ حملے ایسے حالات میں جاری ہیں کہ فلسطین کے انفارمیشن سینٹر نے اعلان کیا ہے کہ گزشتہ اڑتالیس گھنٹے کے دوران غرب اردن میں مزاحمتی فورسز نے بھی متعدد کارروائیاں انجام دی ہیں۔ اس دوران صیہونی آبادکاروں کے ساتھ مسلح جھڑپیں بھی ہوئیں۔
واضح رہے کہ صیہونی حکومت نے دس اکتوبر سے غزہ جنگ بندی کا اعلان کیا لیکن مسلسل اپنے حملے جاری رکھے ہوئے ہے جن میں اب تک سیکڑوں فلسطینی شہید اور زخمی ہوچکے ہیں۔
