حماس: ہم معاہدے کے پابند ہیں لیکن اسرائيل سمجھوتے کے دوسرے مرحلے کے نفاذ میں خلل اندازی کررہا ہے
حماس کے ترجمان نے کہا کہ ہم جنگ بندی معاہدے کی مکمل پابندی کررہے ہیں لیکن غاصب صیہونی حکومت اس معاہدے کے دوسرے مرحلے کے نفاذ میں خلل اندازی کررہی ہے۔
سحرنیوز/عالم اسلام: حماس کے ترجمان حازم قاسم نے کہا ہے کہ تمام تر مشکلات کے باوجود ہم نے صیہونی جنگی قیدیوں کی لاشوں کی تلاش کا سلسلہ جاری رکھا ہے جو اس بات کا ثبوت ہے کہ تحریک حماس جنگ بندی معاہدے کی مکمل پابندی کررہی ہے۔
انھوں نے کہا کہ اسرائیلی حکومت جنگ بندی معاہدے کے دوسرے مرحلے پر عمل درآمد میں خلل اندازی کررہی ہے جس کی وجہ سے معاہدے کے مکمل نفاذ میں تاخیر ہورہی ہے۔
ہمیں فالو کریں:
Follow us: Facebook, X, instagram, tiktok
حماس کے ترجمان حازم قاسم نے ثالثین سے مطالبہ کیا کہ غاصب صیہونی حکومت پر معاہدے کی مکمل پابندی منجملہ رفح پاس کھولنے اور معاہدے کے دوسرے مرحلے کے نفاذ کے لئے زیادہ دباؤ ڈالیں۔
