SAHAR

پاکستان کے صوبےخیبر پختونخوا کے ضلع مردان کے علاقے تخت بھائی میں جلالہ پل کے قریب دھماکا ہوا ہے۔

سحر نیوز/ پاکستان: ریسکیو ذرائع کے مطابق دھماکے کے نتیجے میں 2 افراد جاں بحق جبکہ 8 زخمی ہوئے تھے۔ پولیس کے مطابق دھماکے کا ایک زخمی دورانِ علاج دم توڑ گیا جس کے بعد اس واقعے میں جاں بحق افراد کی تعداد 3 ہو گئی۔

ریسکیو ذرائع نے بتایا ہے کہ لاشوں اور زخمیوں کو اسپتال منتقل کیا گیا ۔

سیکیورٹی فورسز نے دھماکے کی تحقیقات شروع کردیں، حکام کے مطابق دھماکے میں 3 افراد جاں بحق اور 7 زخمی ہوئے۔

فوری طور پر دھماکے کی نوعیت کا تعین نہیں ہو سکا ہے۔