پاکستان: چلتی گاڑی پرفائرنگ 4 افراد ہلاک،7 پولیس اہلکاراغوا
Nov ۱۹, ۲۰۲۴ ۱۲:۳۴ Asia/Tehran
پاکستان کے صوبے خیبرپختونخوا کے ضلع بنوں کے علاقے جانی خیل میں نامعلوم افراد نے فائرنگ کرکے قبائلی ملک سمیت چار افراد کو قتل کردیا جبکہ 7 پولیس اہلکاروں کو اغوا کر لیا گیا۔
سحر نیوز/ پاکستان: پولیس ذرائع کے مطابق واقعہ سین تنگہ ویکی میں رونما ہوا جس میں نامعلوم مسلح افراد نے چلتی گاڑی پر فائرنگ کی ۔ فائرنگ سے ملک شادی خیل سمیت 4 افراد ہلاک اورخاتون اور بچوں سمیت چار افراد زخمی ہوگئے۔
اس سے قبل بنوں میں کل رات پولیس چوکی سے سات اہلکاروں کے اغوا کا واقعہ پیش آیا تھا۔ ڈی پی او کے مطابق مغوی اہلکاروں کی بازیابی کیلئے کوششیں کی جارہی ہیں۔
واقعے کے بعد علاقے کو گھیرے میں لے کر مغویوں کی رہائی کے لیے سرچ آپریشن شروع کردیا گیا تھا۔
ڈی پی او ضیاء الدین کے مطابق علاقائی مشران کے ذریعے پولیس اہلکاروں کی بازیابی کے لیے مذاکرات جاری ہیں ۔
