SAHAR

دنیا کے مختلف علاقوں کے عوام نے غزہ و لبنان کے عوام کی حمایت کرتے ہوئے غزہ اور لبنان کے عوام کے خلاف غاصب صیہونی حکومت کے جرائم کی مذمت میں مظاہرے کئے ہیں۔

سحرنیوز/دنیا: ہمارے نمائندے کی رپورٹ کے مطابق مراکش کے کاسبلنکا کے عوام، مینا سوٹہ اور نیویارک کے یونیورسٹی طلبا، اردن، ٹوکیو، جاپان، میکسیکو اور ہالینڈ کے عوام نے لبنان و فلسطین کے عوام اور خاصطور سے غزہ کے عوام سے اظہار یکجہتی کےلئے سڑکوں پر نکل کر مظاہرے کئے اور غاصب صیہونی حکومت کے جرائم کی مذمت کی اور غزہ و لبنان میں جنگ بندی کا مطالبہ کیا۔
اس سے قبل بھی جرمنی، فرانس،سینیگال، برطانیہ، اور ناروے کے فلسطین حامی عوام نے غزہ کے شہید بچوں کی یاد میں اجتماعات کئے اور غاصب صیہونی حکومت کے ہاتھوں فلسطینیوں کی نسل کشی کی شدید مذمت کی۔