صنعا سمیت یمن کے مختلف علاقوں پر امریکہ کے فضائی حملے
امریکا نے یمن پر اپنی جارحیتوں کا سلسلہ جاری رکھتے ہوئے ایک بار پھر دارالحکومت صنعا سمیت کئی علاقوں پر فضائی حملے کئے ہیں۔
سحرنیوز/دنیا: غیرملکی میڈیا کے مطابق امریکی حملوں کے بعد صنعا میں زور دار دھماکوں کی آوازیں سنی گئیں، تاحال جانی یا مالی نقصان کی تفصیلات سامنے نہیں آئیں۔ صنعا کے گورنرنے کہا ہے کہ امریکا نے آج صرف صنعا پر گیارہ مرتبہ ہوائي حملے کئے۔ یمنی ذرائع نے بتایا ہے کہ امریکہ نے یمن کے مختلف علاقوں کو نشانہ بنایا، جبکہ صنعا کے کئی علاقوں میں زوردار دھماکوں کی آوازیں سنی گئیں۔ یہ حملے ایسے وقت میں ہو رہے ہیں جب امریکہ پر یہ الزام لگ رہا ہے کہ وہ اسرائیلی کارروائیوں کی پشت پناہی کرتے ہوئے خطے میں کشیدگی کو بڑھا رہا ہے۔امریکی حملوں کے جواب میں یمنی فوج نے بحیرہ احمر اور اسرائیل میں امریکی بحری جہازوں اور صہیونی تنصیبات کو نشانہ بنایا ہے۔
