SAHAR

مظلوم فلسطینیوں کے خلاف وحشیانہ صیہونی جارحیت کی مکمل حمایت کے ساتھ ساتھ اب امریکہ نے نئی سازش کے تحت غزہ کے دس لاکھ مکینوں کی لیبیا منتقلی کا منصوبہ تیار کیا ہے۔

سحرنیوز/دنیا: امریکی میڈیا نے ایک سابق امریکی عہدیدار کے حوالے سے دعویٰ کیا کہ امریکا نے فلسطینیوں کی آباد کاری پر لیبیا کی قیادت کے ساتھ تبادلہ خیال کیا ہے۔ بدلے میں ایک دہائی قبل منجمد کیے گئے لیبیا کے اربوں ڈالر بحال ہوں گے۔
دوسری جانب فلسطین کے دو ریاستی حل پر سترہ سے بیس جون تک اقوام متحدہ کے ہیڈکوارٹر میں ایک کانفرنس ہونے جا رہی ہے جس کی صدارت مشترکہ طور پر فرانس اور سعودی عرب کریں گے۔ دریں اثنا فرانسیسی صدر میکرون کا کہنا ہے کہ غزہ میں انسانی بحران ناقابل قبول ہے، وہ جلد نیتن یاہو اور ڈونلڈ ٹرمپ سے بات کریں گے۔