وینزویلا کے صدر نکولس مادورو کی غیر قانونی گرفتاری کے بعد ہندوستان کا پہلا رد عمل
ہندوستان نے ہفتہ کی رات یعنی 3 جنوری کو اپنے شہریوں کو مشورہ دیا کہ وہ وینزویلا کی صورتحال کے پیش نظر وہاں اپنے ہر طرح کے غیر ضروری سفر سے گریز کریں۔
سحرنیوز/ہندوستان: ہندوستانی وزارت خارجہ نے امریکہ کے ہاتھوں وینزویلا کے صدر نکولس مادورو کی گرفتاری سے متعلق پیش رفت کی روشنی میں ایک ایڈوائزری جاری کی ہے۔ وزارت خارجہ نے وینزویلا میں تمام ہندوستانیوں سے بھی انتہائی احتیاط برتنے اور اپنی نقل و حرکت محدود کرنے کی اپیل کی ہے۔
واضح رہے کہ امریکی صدر ڈونلڈ ٹرمپ نے دعویٰ کیا ہے کہ مادورو کو کاراکاس میں ایک بڑے امریکی حملے کے دوران پکڑلیا ہے۔
ہندوستان کی وزارت خارجہ نے ایک بیان میں کہا، "وینزویلا میں حالیہ پیش رفت کے پیش نظر، ہندوستانی شہریوں کو سختی سے مشورہ دیا جاتا ہے کہ وہ وہاں تمام غیر ضروری سفر سے گریز کریں۔"بیان میں کہا گیا ہے، "کسی بھی وجہ سے وینزویلا میں موجود تمام ہندوستانیوں کو مشورہ دیا جاتا ہے کہ وہ انتہائی احتیاط برتیں، اپنی نقل و حرکت کو محدود کریں، اور ان کے ای میل cons.caracas@mea.gov.in یا ہنگامی فون نمبر +58-412-9584288 (واٹس ایپ کالز کے لیے بھی) کے ذریعے کاراکاس میں ہندوستانی سفارت خانے سے رابطہ کریں۔"
وینزویلا میں تقریباً پچاس غیر مقیم ہندوستانی یعنی این آر آئیز اور تیس ہندوستانی نژاد لوگ رہتے ہیں۔ امریکی حملے نے وینزویلا میں سیاسی غیر یقینی صورت حال پیدا کر دی ہے۔ روس اور چین سمیت کئی بڑے ممالک نے مادورو اور ان کی اہلیہ کو حراست میں لینے پر واشنگٹن کو تنقید کا نشانہ بنایا ہے۔
ہمیں فالو کریں:
Follow us: Facebook, X, instagram, tiktok whatsapp channel
ڈونلڈ ٹرمپ نے کہا کہ مادورو کی گرفتاری کے بعد امریکہ اب وینزویلا کے لئے اپنی مستقبل کی حکمت عملی طے کر رہا ہے۔ انہوں نے کہا، "مادورو اور ان کی اہلیہ امریکی جنگی جہاز پر سوار ہیں اور انہیں نیویارک میں مقدمے کا سامنا کرنا پڑے گا۔‘‘
