ہندوستان ، راہل گاندھی کا مودی سے خطاب:آپ تمل عوام کی آواز کو دبانے میں کبھی کامیاب نہیں ہوں گے
لوک سبھا میں قائد حزب اختلاف راہل گاندھی نے فلم ’جن نائگن‘ سے متعلق پیدا ہونے والے تنازعے پر سخت ردِ عمل ظاہر کرتے ہوئے کہا ہے کہ اسے روکنے کی کوشش، تمل ثقافت اور تمل عوام کی آواز پر حملہ ہے۔
سحرنیوز/ہندوستان: تمل ناڈو کے دورے کے دوران راہل گاندھی نے سماجی رابطے کے پلیٹ فارم ایکس پر اپنے بیان میں وزیر اعظم نریندر مودی کو مخاطب کرتے ہوئے کہا کہ وہ تمل عوام کی آواز کو دبانے میں کبھی کامیاب نہیں ہوں گے۔
راہل گاندھی کا یہ بیان ایسے وقت سامنے آیا ہے جب تمل سماج میں ثقافتی شناخت، اظہارِ رائے کی آزادی اور تخلیقی خود مختاری کے سوال پر بحث تیز ہے۔
کانگریس ذرائع کے مطابق راہل گاندھی نے اس معاملے کو محض ایک فلم تک محدود نہیں رکھا بلکہ اسے تمل زبان، ثقافت اور عوامی جذبات سے جوڑ کر پیش کیا جس سے ان کے بیان کو خاص سیاسی اور سماجی اہمیت حاصل ہو گئی ہے۔
ہمیں فالو کریں:
Follow us: Facebook, X, instagram, tiktok whatsapp channel
قابلِ ذکر ہے کہ فلم ’جن نائگن‘ کی نمائش سے قبل اس پر پابندی اور نمائش روکنے سے متعلق معاملات سامنے آئے تھے، جس کے بعد یہ معاملہ عدالتوں تک پہنچا۔
مختلف فریقوں کی جانب سے قانونی اپیلیں دائر کی گئیں اور فلم کی ریلیز سے متعلق عدالتی سطح پر بحث ہوئی، جس کے باعث یہ تنازعہ، فلمی دنیا سے نکل کر اظہارِ رائے اور ثقافتی آزادی کے وسیع تر سوال سے جڑ گیا۔
