SAHAR

صدر ایران ڈاکٹر مسعود پزشکیان نے یہ بات زور دے کر کہی ہے کہ ان کی حکومت نے اپنے اقدامات اور کوششوں کو مذاکرات سے وابستہ نہیں کیا ہے۔

سحرنیوز/ایران: صدر مملکت نے کہا آج ہم نے کسی سے بھی اپنی امیدیں وابستہ نہیں کی ہیں کیونکہ اگر یہ کام کیا تو یقینا ہماری ترقی متاثر ہوجائے گی۔ صدر ڈاکٹر مسعود پزشکیان کا مزید کہنا تھا کہ ہم نہ صرف جنگ نہیں چاہتے بلکہ ہمیشہ علاقائی اور بین الاقوامی معاملات کو حل کرنے کے خواہاں رہے ہیں اور ایران نے ہمیشہ علاقائی اور بین الاقوامی معاملات کو پرامن طریقے سے حل کرنے کی کوشش کی ہے۔ ڈاکٹر مسعود پزشکیان نے صیہونی حکومت کا ذکر کرتے ہوئے کہا صیہونی حکومت بغیر کسی خوف و ہراس کے پوری دنیا میں دہشت گردی پھیلائے ہوئے ہے اور بعض ممالک انسانی حقوق کے نعرے لگاتے ہوئے اس کی حمایت بھی کر رہے ہیں۔