SAHAR

اسلامی جمہوریہ ایران کے صدر ڈاکٹر مسعود پزشکیان کی ایک ویڈیو سوشل میڈیا پر تیزی سے وائرل ہو رہی ہے، جس میں وہ سرکاری افسران کے ہمراہ سائیکل چلاتے دکھائی دے رہے ہیں۔

سحرنیوز/ایران:  اسلامی جمہوریہ ایران کے صدر ڈاکٹر مسعود پزشکیان بچھلے دنوں صوبہ اصفہان کے دورے پر تھے، انھوں ورزش اور صحت مند طرزِ زندگی کے فروغ کے مقصد سے، اس صوبے کے گورنر اور متعدد سرکاری عہدیداروں کے ہمراہ صحت کی راہ پر سائیکل سواری کی۔ 

وائرل ویڈیو میں دیکھا جاسکتا ہے کہ صدر پزشکیان خوشگوار موڈ میں سائیکل چلا رہے ہیں، جبکہ ان کے ساتھ سیکیورٹی اہلکار اور دیگر افسران بھی سائیکلوں پر ان کے آس پاس موجود ہیں۔

کچھ سوشل میڈیا صارفین نے لکھا کہ صدر کا یہ اقدام صحت مند طرزِ زندگی کے فروغ کے لیے ایک مثبت پیغام ہے، صارفین کی بڑی تعداد نے ایرانی صدر کے اس عمل کو سراہا ہے۔