ایران، گرلز اسکول پر وحشیانہ حملہ ، دنیا کو اس ظلم کے مقابلے پر اٹھ کھڑا ہونا چاہئے، ترجمان وزارت خارجہ

Feb ۲۸, ۲۰۲۶ ۱۸:۴۹ Asia/Tehran

ترجمان دفتر خارجہ نے ایران کے شہر میناب میں لڑکیوں کے اسکول پر امریکا اور صیہونی حکومت کے حملے کی مذمت کی ہے

سحرنیوز/ایران: ترجمان دفتر خارجہ نے میناب کے گرلس اسکول پر امریکا اور صیہونی حکومت کے وحشیانہ حملے کی مذمت کرتے ہوئے لکھا ہے کہ یہ ایک کھلا جرم ہے۔ اسماعیل بقائی نے لکھا ہے کہ دنیا کو اس ظلم کے مقابلے پر اٹھ کھڑا ہونا چاہئے۔

ایران کے دفتر خارجہ کے ترجمان نے مطالبہ کیا ہے کہ اقوام متحدہ کی سلامتی کونسل منشور کے مطابق قیام عدل کے لئے اقدام کرے۔
ہمیں فالو کریں:

اسماعیل بقائی نے اس سلسلے ميں اپنے سماجی رابط کے ایکس پیج پر ایک مختصر ویڈیو فلم بھی شیئر کی ہے اور لکھا ہے کہ امریکا اور صیہونی حکومت نے ایرانی شہروں پر ایسی جارحیت شروع کی ہے جس کی کوئی بنیاد اور جواز نہیں ہے اور ان کے وحشیانہ حملوں کے صرف ایک واقعے میں میناب کے لڑکیوں کے اسکول پر میزائلی حملے میں درجنوں معصوم اسکولی بچیاں شہید اور زخمی ہوگئيں۔