آئی آر جی سی کے کمانڈر نے کی یمنی مجاہدین کے استقامت کی تعریف، یمن کی مسلح افواج نے انجام دی مثالی فوجی کارروائی
سپاہ پاسداران انقلاب کے کمانڈر جنرل حسین سلامی نے یمنی عوام کی استقامت کو سراہتے ہوئے کہا ہے کہ یمنی، شائستگی سے فلسطینیوں کا دفاع کر رہے ہیں اور آخرکار کامیاب ہوں گے۔
سحر نیوز/ عالم اسلام: ارنا کی رپورٹ کے مطابق جنرل حسین سلامی نے المسیرہ ٹی وی کو انٹرویو دیتے ہوئے تاکید کے ساتھ کہا کہ یمنیوں نے جس طرح آج تک عزت و شرافت سے استقامت کا مظاہرہ کیا ہے اللہ کے فضل و کرم سے اپنی استقامت جاری رکھیں گے اور آخرکار کامیاب ہوں گے۔ انھوں نے کہا کہ استقامت کمزور نہیں ہوئی ہے اور سب دیکھ رہے ہیں کہ یمنی کس طرح شائستگی سے فلسطین کی حمایت و دفاع کررہے ہیں اور ہرجمعے کو غزہ کی حمایت میں مظاہرے کر رہے ہیں۔
در ایں اثنا یمن کی مسلح افواج کے ترجمان نے اپنے تازہ ترین بیان میں کہا کہ وہ ملت فلسطین کی حمایت اور غزہ و یمن کے خلاف صیہونی حکومت کے جرائم و جارحیتوں کے جواب میں یمن کی مسلح افواج نے مثالی فوجی کارروائی میں بن گورین ہوائی اڈے کو فلسطین دو ہائپرسونیک بیلسٹک میزائل سے نشانہ بنایا ہے۔ انھوں نے کہا کہ یمن کی مسلح افواج نے ایک اور ڈرون کارروائی میں بحیرہ عرب میں سانتا ارسلا بحری جہاز کو ڈرون آپریشن میں نشانہ بنایا ہے۔
