غزہ پر صیہونیوں کے حملے جاری ، مزید 4 شہید

Dec ۰۴, ۲۰۲۵ ۱۹:۱۱ Asia/Tehran

غزہ کے مختلف علاقوں پر صیہونی حکومت کے مسلسل حملوں کے نتیجے میں چار فلسطینی شہید اور پندرہ زخمی ہوگئے۔

سحرنیوز/عالم اسلام: صیہونی فوجیوں نے ایک بار پھر جنگ بندی کی خلاف ورزی کرتے ہوئے غزہ کے مختلف علاقوں پر توپخانے کے حملے اور فائرنگ کی جس میں ایک بچے اور ایک نامہ نگار سمیت چار فلسطینی شہید ہوگئے-

مشرقی غزہ کے التفاح محلے میں صیہونی حکومت کے توپخانے کےحملے میں ایک بچے سمیت دو افراد شہید اور چھ زخمی ہو گئے۔

سرکاری اعداد و شمار کے مطابق سات اکتوبر دوہزار تیئیس سے اب تک غزہ کے خلاف صیہونی حکومت کے حملوں میں ستر ہزار فلسطینی شہید ہوئے ہیں اور تقریبا سترہ لاکھ سے زائد افراد زخمی ہوئے کہ جن میں بیشتر خواتین اور بچے شامل ہیں-

ہمیں فالو کریں:

اقوام متحدہ نے غزہ میں ہونے والی وسیع تباہی کےبعد اس کی تعمیر نو کی لاگت کا تخمینہ تقریبا ستر ارب ڈالر لگایا ہے۔

واضح رہے کہ رواں سال دس اکتوبر کی سہ پہر کو صیہونی حکومت نے غزہ کی پٹی میں جنگ بندی کے نفاذ کا باضابطہ اعلان کیا لیکن وہ جنگ بندی کے پہلے مرحلے کی ہی شقوں پر عمل درآمد میں رکاوٹیں کھڑی کر رہی ہے اور بار بار اس کی خلاف ورزی کر رہی ہے۔