غاصب اسرائیلی حکومت کی فوج کی جارحیت میں ایک اور فلسطینی نوجوان شہید، 48 گرفتار
غاصب اسرائیلی حکومت کی فوج نے مغربی کنارے میں جارحیت کا سلسلہ جاری رکھتے ہوئے نابلس شہر میں ایک رہائشی یونٹ کو تباہ اور ایک فلسطینی نوجوان کو گولی مار کر شہید کردیا ہے۔
سحرنیوز/عالم اسلام: فلسطینی ذرائع کے مطابق قابض صیہونی فوجیوں نے جنوبی نابلس میں اللبن الشرقیہ گاؤں پر دھاوا بول دیا اور ایک کار پر براہ راست فائرنگ کی جس کے نتیجے میں "خطاب محمد اسماعیل السرحان دراغمہ" نامی 26 سالہ نوجوان شہید اور دوسرا نوجوان زخمی ہوگیا۔
قابض فوج نے آج صبح نابلس شہر پر حملے کے دوران ایک رہائشی یونٹ کو بھی دھماکے سے اڑا دیا تھا۔ اس کارروائی کی مزید تفصیلات موصول نہیں ہوئی ہیں لیکن یہ کارروائی مغربی کنارے میں فلسطینیوں کے گھروں کے خلاف صیہونی حکومت کی تباہ کن پالیسیوں کے تحت انجام دی گئی۔
ہمیں فالو کریں:
Follow us: Facebook, X, instagram, tiktok whatsapp channel
اسی دوران صیہونی حکومت کے فوجیوں نے مغربی کنارے کے مختلف علاقوں میں کریک ڈاؤن کرکے ایک 16 سالہ نوجوان سمیت 48 فلسطینیوں کو گرفتار کرلیا جن میں 7 ایسے افراد بھی شامل ہیں جو اس سے پہلے بھی اسرائیل کی جیلوں میں قید و بند کی صعوبتیں برداشت کرنے کے بعد رہا ہوئے تھے۔
