غزہ میں جنگ بندی کے دوسرے مرحلے کے آغاز کے سلسلے میں حماس کا وفد قاہرہ پہنچ گیا

Jan ۱۲, ۲۰۲۶ ۱۶:۰۰ Asia/Tehran

فلسطینی ذرائع نے غزہ میں جنگ بندی کے دوسرے مرحلے کے آغاز کے بارے میں مشاورت کے لئے تحریک حماس کے ایک وفد کے قاہرہ جانے کی خبر دی ہے۔

سحرنیوز/عالم اسلام: فلسطینی ابلاغیاتی ذرائع نے رپورٹ دی ہے کہ خلیل الحیہ کی قیادت میں حماس کا ایک وفد جنگ بندی کے دوسرے مرحلے کے آغاز کے بارے میں گفتگو اور مشاورت کے لئے قاہرہ پہنچ گیا ہے۔

مصر کے انٹیلیجنس کے چیف جنرل حسن رشاد سے ملاقات اور غزہ کے انتظام و انصرام کے لئے پندرہ رکنی کمیٹی کی تشیکل کے بارے میں گفتگو بھی اس وفد کے دورہ قاہرہ کے ایجنڈے میں شامل ہے۔

ہمیں فالو کریں:

دوسری طرف بعض ذرائع نے رپورٹ دی ہے کہ واشنگٹن نے ایک صیہونی جنگی قیدی کی لاش کی واپسی اور حماس کو غیر مسلح کرنے کے تعلق سے اپنے وعدے کی پابندی پر زور دیا ہے لیکن اس کو غزہ میں جنگ بندی کے دوسرے مرحلے کے آغاز سے جوڑنے سے انکار کردیا ہے۔