صدر ایران کیلئے پاکستانی وزیراعظم کا تاریخی جملہ
Apr ۲۲, ۲۰۲۴ ۱۶:۳۹ Asia/Tehran
ایران کے صدر کا اسلام آباد پہنچنے پرپرتپاک استقبال کیا گیا۔
سحرنیوز/ پاکستان: پاکستان کے وزیر اعظم شہباز شریف نے اسلامی جمہوریہ ایران کے صدر سید ابراہیم رئیسی کیلئے وہ تاریخی الفاظ استعمال کئے جو ابھی تک انہوں نے کسی کیلئے استعمال نہیں کئے تھے۔
پاکستان کے وزیراعظم شہباز شریف نے اسلامی جمہوریہ ایران کے صدر سید ابراہیم رئیسی کے ساتھ مشترکہ پریس کانفرنس سے خطاب کرتے ہوئے ایران کے صدر کو جان برادر کہہ کر مخاطب کرتے ہوئے کہا کہ ہم آپ کو پاکستانی سرزمین پر خوش آمدید کہتے ہیں۔
واضح رہے کہ اسلامی جمہوریہ ایران کے صدر سید ابراہیم رئیسی ایک اعلی سطحی سیاسی اور تجارتی وفد کے ھمراہ آج پیر کے روز پاکستان کے 3 روزہ سرکاری دورے پر اسلام آباد پہنچے جہاں ان کا پرتپاک استقبال کیا گیا۔
