SAHAR

صیہونی میڈیا نے اتوار کی شب اطلاع دی ہے کہ نتن یاہو ڈرون حملوں کے خوف سے اپنے دفتر کے تہہ خانے میں ایک محفوظ کمرے میں کام کر رہے ہیں۔

سحر نیوز/ دنیا: صہیونی میڈیا نے بتایا کہ قیساریہ میں نتن یاہو کے گھر پر حزب اللہ کے ڈرون حملے کے بعد سیکورٹی سروسز نے نتن یاہو کو مشورہ دیا کہ وہ مستقل ایک جگہ پر نہ رہیں۔

 19 اکتوبر کو صیہونی میڈیا نے نتن یاہو کی رہائش گاہ کو حزب اللہ کے ڈرون سے نشانہ بنانے کی خبر دی تھی اور کہا تھا کہ صیہونی حکومت کے وزیر اعظم کے گھر کے قریب متعدد ایمبولینسیں اور پولیس اہلکار تعینات ہیں۔

دوسری جانب صیہونی چینل 11 نے بتایا کہ لبنان سے بھیجے گئے حزب اللہ کے ڈرون نے 70 کلومیٹر کا فاصلہ طے کرنے کے بعد نتن یاہو کی رہائش گاہ کو براہ راست نشانہ بنایا اور اس کے دھماکے سے اٹھنے والا دھواں دور سے دیکھا جا سکتا تھا۔