SAHAR

اقوام متحدہ کے سیکرٹری جنرل انتونیو گوترش نے غزہ کے الاہلی اسپتال پر غاصب صیہونی حکومت کے حملے پر تشویش ظاہر کی ہے۔

سحرنیوز/دنیا:   ارنا کے مطابق اقوام متحدہ کے ترجمان نے بتایا ہے کہ گزشتہ اتوار کو غزہ کے الاہلی اسپتال پر صیہونی حکومت کے حملے پر سیکریٹری جنرل انتونیو گوترش نے گہری تشویش کا اظہار کیا ہے۔اقوام متحدہ کے سیکریٹری جنرل نے کہا ہے کہ غزہ کے الاہلی اسپتال پر اسرائیلی فوجیوں کے اتوار کے حملے سے اسپتال غیر فعال ہوگیا اورغزہ میں علاج معالجے کے نظام پر کاری وار لگا ہے۔

 یاد رہے کہ غاصب صیہونی حکومت کے جنگی طیاروں نے گزشتہ اتوار کو غزہ کے الاہلی العربی ( المعمدانی) اسپتال پر دو میزائل گرائے تھے جس سے اسپتال کے ریسپشن، لیب، دواخانہ اور آؤٹ ڈورسیکشن  تباہ ہوگیا تھا۔ غاصب صیہونی حکومت کے اس وحشیانہ حملے کی عالمی سطح وسیع مذمت کی گئی ہے۔