ہندوستان کے 53ویں چیف جسٹس بنے جسٹس سوریہ کانت، حلف برداری کے بعد مودی سے ملایا ہاتھ
ہندوستان کے 53ویں چیف جسٹس (سی جے آئی) کا حلف لے لیا۔۔ ہندوستانی عدلیہ کی تاریخ میں پہلی بار کسی چیف جسٹس کی حلف برداری میں بڑے بین الاقوامی عدالتی نمائندوں کی موجودگی رہی۔ تقریب میں بھوٹان، کینیا، ملیشیا، ماریشس، نیپال اور سری لنکا کے چیف جسٹس شریک تھے۔
سحرنیوز/ہندوستان: ہندوستان کے چیف جسٹس سوریہ کانت نے 24 نومبر کو ہندوستان کے 53ویں چیف جسٹس (سی جے آئی) کا حلف لے لیا۔ راشٹرپتی بھون میں منعقد ایک تقریب کے دوران صدر جمہوریہ دروپدی مرمو نے انھیں عہدہ کا حلف دلایا۔ اس کے بعد انھوں نے وہاں موجود بہن اور بڑے بھائی کے پیر چھوئے۔ اس تقریب میں ان کے گھر والے خاص طور سے شامل تھے۔ حلف برداری کے بعد نئے چیف جسٹس آف انڈیا سوریہ کانت سب سے پہلے وزیر اعظم نریندر مودی کی طرف بڑھے اور ان سے ملاقات کی۔ انھوں نے سابق سی جے آئی گوئی سے بھی ملاقات کی۔ اس تقریب میں برازیل سمیت 7 ممالک کے چیف جسٹس اور سپریم کورٹ کے جج بھی موجود تھے۔
ہمیں فالو کریں:
Follow us: Facebook, X, instagram, tiktok
ہندوستانی عدلیہ کی تاریخ میں پہلی بار کسی سی جے آئی کی حلف برداری میں اتنی بڑی سطح پر بین الاقوامی عدالتی نمائندوں کی موجودگی دیکھنے کو ملی۔ اس تقریب میں بھوٹان، کینیا، ملیشیا، ماریشس، نیپال اور سری لنکا کے چیف جسٹس اور ان کے اہل خانہ بھی موجود تھے۔ اس دوران سابق چیف جسٹس آف انڈیا بی آر گوئی نے ایک نئی مثال قائم کی۔ حلف برداری کے بعد انھوں نے اپنی آفیشیل گاڑی راشٹرپتی بھون میں ہی اپنے جانشیں جسٹس سوریہ کانت کے لیے چھوڑ دی۔ سابق سی جے آئی گوئی کی مدت کار 23 نومبر کو ہی ختم ہو گئی تھی۔ ان کے بعد اب جسٹس سوریہ کانت یہ ذمہ داری سنبھال رہے ہیں۔ سی جے آئی سوریہ کانت 9 فروری 2027 کو سبکدوش ہوں گے اور ان کی مدت کار تقریباً 14 مہینے کی ہوگی۔
