ہندوستان: دہلی کے مسلم علاقے اوکھلا میں تین سو گھروں پر یو پی حکومت کی بلڈوزر کارروائی

Dec ۳۰, ۲۰۲۵ ۱۷:۳۴ Asia/Tehran

دہلی کے مسلم آبادی والے علاقے اوکھلا میں یوپی حکومت نے تین سو گھروں پر بلڈوزر چلانے کی تیاری مکمل کرلی ہے۔

سحرنیوز/ہندوستان: ہندوستان کی بے جی پی حکومت والی ریاستوں میں بلڈوزر کارروائیوں کا سلسلہ ایسی حالت میں جاری ہے کہ عدالتیں کئی بار اس پر اعتراض کرچکی ہیں۔ بتایا جاتا ہے کہ بلڈوز کارروائی میں یوپی حکومت سب سے آگے ہے اور اس ریاستی حکومت نے اس حد تک ماورائے عدالت بلڈوزر کارروائیاں انجام دی ہیں کہ ریاست کے وزیر اعلی یوگی آدتیہ ناتھ کا نام ہی بلڈوزر بابا پڑ گیا ہے۔

دہلی میں واقع مسلم آبادی والے علاقے اوکھلا میں تین سو رہائشی مکانات پر بلڈوزر چلانے کا اعلان کرنے کے ساتھ ہی ان گھروں سے لوگوں کو نکال کر ان گھروں کو سیل کردیا گیا ہے اور ان کے مکین سخت سردی کے موسم میں ٹینٹ میں رہنے پر مجبور ہیں۔ حکومت کا دعوی ہے کہ یہ مکانات محکمہ آبپاشی کی زمین پر بنائے گئے ہیں۔

اوکھلا کے کانگریس رہنما جاوید ملک کا کہنا ہے کہ جن لوگوں کو ان کے گھروں سے بے دخل کیا گیا ہے وہ کئی نسلوں سے یہاں رہ رہے ہیں۔

ہمیں فالو کریں:

واضح رہے کہ ہندوستان میں ماورائے عدالت بلڈوز چلاکر لوگوں کے گھروں کے مسمار کرنے کا سلسلہ ایسی حالت میں جاری ہے کہ ملک کی عدالت عظمی بھی اس کارروائی کو غیر قانونی قرار دے چکی ہے لیکن بلڈوزر کے ذریعے مبینہ غیر قانونی تجاوزات ختم کرنے کے علاوہ مبینہ دہشت گردوں کے گھروں کو ماورائے عدالت مسمار کرنے کو بی جے پی حکومت نے بلڈوزر جسٹس کا نام دے رکھا ہے۔