میزائل مین آف ایران کی پوری ہوتی آرزو (ویڈیو)
جب بھی دفاعی خاص طور پر میزائل کے شعبے میں ایران کو کوئی کامیابی حاصل ہوتی ہے تو سرزمین ایران کا ہر فرد اپنے ملک کے میزائل مین شہید تہرانی مقدم کو خراج عقیدت پیش کرتا ہے۔
ایران اسلامی انقلاب کی کامیابی کے بعد سے ہی مستقل طور پر عالمی سامراج اور اسکی شیطانی سازشوں کی زد پر رہا جس کے باعث ایران کے سپوتوں نے اپنی مادر وطن کے دفاع کے ساتھ ساتھ استقامتی محاذ کو بھی مضبوط بنانے کے لئے کمر ہمت باندھ کر خود کو دشمن کے مقابلے میں ایک فولادی دیوار بنا دینے کا عزم کر لیا۔
نتیجہ یہ ہوا کہ اب ایرانِ اسلامی آئے دن مختلف بالخصوص دفاعی شعبوں میں کچھ ایسا کارنامہ کر گزرتا ہے کہ دشمنوں کی نیند حرام ہو جاتی ہے۔ ایران کے باایمان جوانوں نے تاریخ کی شدید ترین پابندیوں کی زد پر رہنے کے باوجود گزرتے دنوں کے ساتھ ساتھ میزائل سازی میں ایسی مہارت حاصل کی کہ دنیا انگشت بدنداں رہ گئی۔ ایسے میں ایرانی قوم کا ہر فرد اپنے وطن کو میزائل پاور میں تبدیل کرنے والے شہید تہرانی مقدم کو خراج عقیدت پیش کرتا ہے، وہی کہ جس نے اپنی شب و روز کی جد و جہد سے ایران کو ایک بڑی طاقت میں تبدیل کرنے میں ایک بنیادی کردار ادا کیا۔
