امریکہ کی جانب سے ایران کے لئے کوئی پیغام نہیں: عراقچی
ایران کے وزیر خارجہ نے کہا ہے کہ ان کے روسی ہم منصب نے واشنگٹن- ماسکو مذاکرات کی تفصیلات سے آگاہ کیا تاہم امریکہ کی جانب سے ایران کے لئے کوئی پیغام نہیں دیا۔
سحرنیوز/ایران: ایران کے وزیرخارجہ سید عباس عراقچی نے کہا ہے کہ روسی وزیر خارجہ سرگئی لاوروف نے اپنے دورہ تہران کے دوران امریکہ اور دیگر علاقائی ممالک کے ساتھ ہونے والے مذاکرات پر ایک جامع رپورٹ پیش کی تاہم ان کے پاس امریکہ کی طرف سے دینے کے لئے کوئی پیغام نہیں تھا اور نہ ہی انہیں کوئی پیغام پہنچانا تھا۔
روسی وزیر خارجہ کے دورہ تہران کے بارے میں ایران کے وزیرخارجہ نے کہا کہ ہم نے سرگئی لاروف کے ساتھ علاقائی اور دوطرفہ امور پر تفصیلی تبادلہ خیال کیا۔کابینہ کے اجلاس کے موقع پر صحافیوں سے بات چیت کرتے ہوئے سید عباس عراقچی نے کہا کہ دو دن پہلے ہم نے جنیوا میں تین یورپی ممالک کے ساتھ بات چیت کی جس میں جوہری پروگرام اور دیگر معاملات پر بھی تبادلہ خیال کیا گیا۔
