اگر مسلمان متحد ہو جائیں تو تو دشمن انکا بال بھی بیکا نہیں کر سکتا: ایرانی صدر
صدر ایران نے ایک عالمی کانفرنس سے خطاب کرتے ہوئے کہا ہے کہ اگر مسلمان متحد ہو جائیں تو پھر دشمن ان کا بال بھی بیکا نہیں کر سکتا۔
سحرنیوز/ایران: فرزند رسول امام علی رضا علیہ السلام کے زیر عنوان چھٹی عالمی کانفرنس مشہد میں ہوئی جس میں صدر ایران مسعود پزشکیان نے بھی شرکت کی۔ اس موقع پر مختلف ممالک سے آئے مہمانوں سے خطاب کرتے ہوئے انہوں نے کہا کہ ہمیں خواب غفلت سے بیدار ہوجانا چاہیے۔ انہوں نے اسلامی ممالک میں اتحاد، ہم آہنگی اور انصاف قائم کرنے کی ضرورت پر زور دیا۔
صدر ایران نے استفسار کیا کہ ہم مسلمانوں کے ایک دوسرے کے ساتھ اختلافات اور رنجشیں کیوں ہوں؟ انہوں نے یہ بات زور دے کر کہی کہ اگر مسلمان متحد ہو جائیں تو تو دشمن انکا بال بھی بیکا نہیں کر سکتا اور صیہونی حکومت میں بھی مسلمانوں پر ظلم کرنے کی جرات نہیں ہوگی۔ انہوں نے امید ظاہر کی کہ امام رضا (ع) عالمی کانفرنس نورانی راستے تک پہنچنے کے لیے ہدایت کا باعث بنے گی۔
