کسی بھی جارحیت پر ایران کا رد عمل جارح کے لیے افسوسناک اور پشیمانی کا باعث ہوگا، ٹرمپ کی گیدڑ بھپکی پر صدر پزشکیان کا انتباہ

Dec ۳۰, ۲۰۲۵ ۱۵:۴۱ Asia/Tehran

امریکی صدر ٹرمپ کی دھمکی کے جواب میں صدر ایران ڈاکٹر پزشکیان نے دو ٹوک جواب دیتے ہوئے کہا ہے کہ ایران کسی بھی جارحیت انتہائی سخت اور منہ توڑ جواب دے گا۔

سحرنیوز/ایران: ارنا کی رپورٹ کے مطابق صدر مملکت ڈاکٹر مسعود پزشکیان نے سوشل میڈیا پلیٹ فارم ایکس پر جاری ایک پیغام میں لکھا ہے کہ اسلامی جمہوریہ ایران کی طرف سے کسی بھی جارحیت کا جواب جارح کے لئے انتہائی سخت اور افسوسناک ہوگا۔

رپورٹ کے مطابق صدر ایران مسعود پزشکیان نے سوشل پلیٹ فارم ایکس پر یہ پیغام آج بروز جاری کیا ہے۔ ڈاکٹر مسعود پزشکیان نے لکھا کہ ایران کسی بھی جارحیت پر ایسے رد عمل کا مظاہرہ کرے گا کہ جارح کو افسوس اور پشیمانی کے علاوہ اور کچھ حاصل نہیں ہوگا۔

ہمیں فالو کریں:

رپورٹ کے مطابق گزشتہ رات امریکی صدر ڈونلڈ ٹرمپ نے غاصب اسرائیلی حکومت کے وزیر اعظم نیتن یاہو کے ساتھ ملاقات کے موقع پر دعویٰ کیا کہ "میں نے سنا ہے کہ ایران دوبارہ اپنی صلاحیتوں کو بڑھانے کی کوشش کر رہا ہے اور اگر ایسا ہوا تو ہم اسے تباہ کر دیں گے۔ یقیناً مجھے امید ہے کہ ایسا نہیں ہوگا۔"

امریکی صدر ٹرمپ نے اس سوال کے جواب میں کہ اگر ایران اپنے میزائل اور جوہری پروگرام میں پیش رفت کرتا ہے تو اسرائیل کے ممکنہ حملے سے متعلق کیا کہیں گے تو انہوں نے انتہائي ڈھٹائی کے ساتھ جواب میں کہا کہ "اگر یہ میزائل پروگرام ہے تو یقیناً اور اگر یہ جوہری پروگرام ہے تو بہت جلد یہ کام ہوگا۔"