ایران کی مسلح افواج کے سینئر ترجمان نے اعلان کیا ہے کہ امریکہ اور اسرائیل کی جارحیت کے آغاز سے ہی ایران نے تمام ایسے فوجی اڈوں کو نشانہ بنایا جہاں سے ایران پر حملے کئے گئے تھے۔

سحرنیوز/ایران:  ابوالفضل شکارچی نے کہا کہ ایران امریکہ اور اسرائیل کے سامنے کبھی پیچھے نہیں ہٹے گا۔

انہوں نے واضح کیا کہ جو بھی جگہ ایران کے خلاف جارحیت کا آغاز کرے گی، وہ ایران کے لیے جائز ہدف ہے، اور اسی بنیاد پر وہ تمام اڈے نشانہ بنائے گئے جو امریکہ نے ایران پر حملے کے لیے استعمال کیے۔
شکارچی نے خطے کے ممالک کے ساتھ ایران کے رویے کی وضاحت کرتے ہوئے کہا: "ہماری پوری کوشش رہی ہے کہ ہمسایہ اور مسلم ممالک کو کوئی نقصان نہ پہنچے اور ان کی قومی خودمختاری کی خلاف ورزی نہ ہو۔ حسنِ ہمسایہ ایران کے لیے ایک بنیادی اصول ہے۔"
انہوں نے مزید کہا کہ وہ ممالک جو امریکہ اور اسرائیل کو ایران کے خلاف کارروائی کے لیے اپنے علاقے یا وسائل فراہم نہیں کرتے، ان پر حملہ نہیں کیا جائے گا۔
سینئر ترجمان نے خطے کی سلامتی کی اہمیت پر زور دیتے ہوئے کہا: "تمام مسلم ممالک کی سلامتی، ایران کی سلامتی ہے۔"

ہمیں فالو کریں:  

Follow us: Facebook, X, instagram, tiktok  whatsapp channel