متحدہ عرب امارات سے صیہونی سفارتکار واپس، خطرہ ہے ، صیہونی حکومت
صہیونی ذرائع ابلاغ نے اطلاع دی ہے کہ اسرائیلی حکومت نے سیکیورٹی خطرات کے پیش نظر متحدہ عرب امارات میں موجود اپنے سفیر اور دیگر سفارتکاروں کو واپس بلا لیا ہے۔
سحرنیوز/عالم اسلام:صیہونی حکومت کے چینل بارہ نے اعلان کیا ہے کہ صہیونی حکومت نے گذشتہ شب اپنے تمام سفارتکاروں کو متحدہ عرب امارات سے واپس بلا لیا ہے-
ان افراد کی واپسی کی وجہ سیکیورٹی خدشات کو قرار دیا ہے۔
رپورٹ میں دعوی کیا گیا ہے کہ انخلاء کی وجہ متحدہ عرب امارات میں اسرائیلی شہریوں کے خلاف ممکنہ کارروائیوں کا خوف ہےاس کے علاوہ بعض میڈیا رپورٹس میں بتایا گیا ہے کہ صہیونی حکومت نے خطے میں موجود اپنے تمام سفارت خانوں کو سیکیورٹی الرٹ جاری کردیا ہے۔
واضح رہے کہ جارح اسرائیلی وزارت خارجہ نے اعلان کیا ہے کہ اس نے ممکنہ حملوں کے بڑھتے ہوئے خطرات اور خدشات کے پیش نظر دنیا کے مختلف حصوں میں اپنے متعدد سفارت خانے اور سفارتی مشنز کو عارضی طور پر بند کرنے کا فیصلہ کیا ہے۔
یہ اقدام سفارتی عملے اور سہولیات کی حفاظت کے لیے وسیع حفاظتی اقدامات کا حصہ ہے۔
