قطر نے بھی غزہ جنگ بندی معاہدے کی خلاف ورزی کرنے پر اسرائیل کی مذمت کردی
موصولہ اطلاعات کے مطابق امیرِ قطر کی جانب سےغزہ جنگ بندی معاہدے کی خلاف ورزی کئے جانے پر مذمت کی گئی ہے۔
سحرنیوز/عالم اسلام: میڈیا ذرائع کے مطابق امیرِ قطر شیخ تمیم بن حمد آلثانی نے ایک بیان میں کہا ہے کہ غزہ جنگ بندی معاہدے کی مسلسل خلاف ورزی کرنے پر اسرائیل کی کی مذمت کرتے ہیں۔اُنہوں نے مزید کہا کہ فلسطینی علاقوں میں اسرائیل کی جانب سے کی گئیں حالیہ کارروائیوں کی مذمت کرتے ہیں۔
واضح رہے کہ غزہ جنگ بندی معاہدے پر دستخط ہونے کے بعد غاصب اسرائیلی حکومت مسلسل معاہدے کی خلاف ورزی کر رہی ہے اور فلسطینی شہریوں کو اپنی وحشیانہ جارحیت کا نشانہ بنا رہی ہے۔ حالیہ جنگ بندی شروع ہونے کے بعد فلسطینیوں کے خلاف اسرائیلی جارحیت میں متعدد افراد شہید اور زخمی ہوچکے ہیں۔
قابل ذکر ہے کہ اس سے پہلے اسلامی جمہوریہ ایران سمیت کئی ممالک غزہ جنگ بندی معاہدے کے بعد فلسطینیوں کے خلاف غاصب اسرائیلی فوج کی جارحیت و بربریت کی مذمت کر چکے ہیں۔
