ٹرمپ کا منصوبہ اسرائیل کے نقصان میں، غزہ پر قبضہ ہونا چاہئے: غاصب حکومت کے وزیر خزانہ

Jan ۲۰, ۲۰۲۶ ۱۳:۱۵ Asia/Tehran

غاصب اسرائیلی حکومت کے وزیر خزانہ نے کہا ہے کہ غزہ کے بارے میں ٹرمپ کا منصوبہ اسرائیل کے نقصان میں ہے اور یہ کہ غزہ پر قبضہ ہونا چاہئے۔

سحرنیوز/عالم اسلام:الجزیرہ کے حوالے سے ارنا کی رپورٹ کے مطابق غاصب اسرائیلی حکومت کے وزیر خزانہ بزالل اسموتریچ نے کہا کہ امریکی صدر ڈونلڈ ٹرمپ سے کہنا چاہئے کہ غزہ کے بارے میں ان کا منصوبہ اسرائیل کے لئے برا منصوبہ ہے۔

غاصب حکومت کے اس انتہا پسند وزیر نے کہا کہ مقررہ مہلت ختم ہونے کے بعد اسرائیلی فوج کو غزہ میں داخل ہو کر حماس کوعسکری لحاظ سے پوری طرح ختم کردینا چاہئے۔ بزالل اسموتریچ نے اس اقدام کو غاصب صیہونی حکومت کے جنگی مقاصد کے حصول کا واحد طریقہ بتایا اور کسی بھی دوسرے طریقے کو ناکام قرار دیا۔

ہمیں فالو کریں:

غاصب اسرائیلی حکومت کے وزیر خزانہ نے رفع گزرگاہ کھولنے کا مطالبہ کیا اور کہا کہ مصر کی رضا مندی سے یا پھر اس کی رضا مندی کے بغیر ہی یہ گزرگاہ کھول دی جائے اور غزہ کے لوگوں کو اس علاقے سے چلے جانے کی اجازت دے دی جائے۔