حکومت عراق کسی بھی گروہ کو ایران کی سرحدوں کی طرف جانے کی اجازت نہیں دے گی

Mar ۰۵, ۲۰۲۶ ۰۲:۴۹ Asia/Tehran

عراق کے قومی سلامتی کے مشیر قاسم الاعرجی نے ایران کی اعلی قومی سلامتی کونسل کے ڈپٹی سیکریٹری سے ٹیلیفون پر علاقے کی تازہ ترین صورتحال کے بارے میں تبادلہ خیال کیا ہے

سحرنیوز/عالم اسلام: عراق کی قومی سلامتی کے مشیر قاسم الاعرجی نے ایران کے اعلی قومی سلامتی کونسل کے ڈپٹی سیکریٹری کے ساتھ ٹیلیفونی گفتگو میں کہا ہے کہ عراق کسی بھی گروہ کو اپنی سرزمین سے ایران کی سرحدوں کی طرف جانے کی اجازت نہیں دے گا۔

اس ٹیلیفونی گفتگو میں ایران کی اعلی قومی سلامتی کے ڈپٹی سیکریٹری علی باقری نے کہا کہ ایران خلیج فارس کے ملکوں کو بتاچکا ہے کہ امریکی اور صیہونی حملوں کے جواب میں اپنی دفاعی کارروائیوں میں سفارت خانوں، اسپتالوں، آئل فیلڈس اور غیر فوجی مقامات کو ہرگز نشانہ نہیں بنائے گا۔

ہمیں فالو کریں:

انھوں نے اس بات پر زور دیتے ہوئے ایران کے حملے امریکا کے فوجی اڈوں تک محدود رہیں گے، عراق سے مطالبہ کیا کہ تہران بغداد سیکورٹی معاہدے کے مطابق ایران مخالف گروہوں کو ایرانی سرحدوں کی طرف آنے سے روکنے کے لئے ضروری اقدامات کئے جائيں۔