ایک بار پھر چین اور ہندوستان آمنے-سامنے، اروناچل پردیش کو ناجائز طریقے سے بسانے کا سنگین الزام! مودی خاموش!
چین نے ایک بار پھر ہندوستانی ریاست اروناچل پردیش سے متعلق ایسا بیان دیا ہے، جو دونوں ممالک کے درمیان رشتوں کو تلخ بنانے والا ہے۔
چین نے ہندوستان پر اروناچل پردیش کو ناجائز طریقے سے بسانے کا سنگین الزام عائد کیا ہے۔ اس سلسلے میں دہلی کی مودی حکومت نے فی الحال کوئی اعتراض ظاہر نہیں کیا ہے، لیکن کانگریس نے شدید ناراضگی کا اظہار کیا ہے۔ کانگریس کا کہنا ہے کہ ’’چین اپنی ناپاک حرکتوں سے باز نہیں آ رہا ہے۔ اب چین کی وزارت خارجہ کی ترجمان ماؤ ننگ نے کہا ہے کہ ’’ہندوستان نے اروناچل پردیش کو ناجائز طریقے سے بسایا ہے۔‘‘
کانگریس نے یہ بیان سوشل میڈیا پلیٹ فارم ’ایکس‘ پر دیا ہے۔ ساتھ میں چینی وزارت خارجہ کی ترجمان ماؤ ننگ کی وہ ویڈیو بھی شیئر کی ہے، جس میں وہ قابل اعتراض بیان دے رہی ہیں۔ کانگریس نے سوشل میڈیا پوسٹ میں لکھا ہے کہ ’’ماؤ ننگ نے کہا– ہندوستان نے اروناچل پردیش کو ناجائز طریقے سے بسایا ہے۔ اروناچل ہندوستان کا غیر قانونی سیٹ اَپ ہے۔ اروناچل پردیش چین کے زنگنان کا حصہ ہے۔‘‘ اس بیان کو کانگریس نے قابل اعتراض اور پوری طرح سے غلط ٹھہرایا ہے۔
ہمیں فالو کریں:
Follow us: Facebook, X, instagram, tiktok
چینی وزارت خارجہ کے بیان پر کانگریس کا کہنا ہے کہ ’’چین کی یہ زبان بے حد قابل اعتراض ہے۔ یہ ہندوستان کی بے عزتی ہے۔‘‘ ساتھ ہی کانگریس نے مودی حکومت سے گزارش کرتے ہوئے کہا کہ ’’مودی حکومت کو اس پر سخت اعتراض درج کرانی چاہیے۔ ہندوستان سے متعلق ایسی ذیلی سطح کی بیان بازی برداشت نہیں کی جائے گی۔‘‘
