May ۰۳, ۲۰۲۵ ۱۳:۳۱ Asia/Tehran
  • یمن پر امریکہ کے فضائی حملوں کی مذمت

ایران کے دفترخارجہ کے ترجمان اسماعیل بقائی نے گزشتہ چوبیس گھنٹوں کے دوران الجوف، صعدہ اور صنعا صوبوں کے مختلف علاقوں پر امریکی فوج کے مسلسل حملوں اور رہائشی علاقوں نیز بنیادی شہری تنصیبات پر بمباری کی سخت مذمت کی ہے۔

سحرنیوز/ایران: اسلامی جمہوریہ ایران کی وزارت خارجہ کے ترجمان اسماعیل بقائی نے یمن کی ارضی سالمیت اور اقتدار اعلی کی خلاف ورزی کو اقوام متحدہ کے منشور اور بین الاقوامی قوانین کی آشکارا پامالی قرار دیا ہے۔

 اسماعیل بقائی نے کہا ہے کہ  یمن کے رہائشی علاقوں اور اہم تنصیبات پر ہونے والے یہ حملے جنگی جرائم ہیں۔

اسلامی جمہوریہ ایران کے دفتر خارجہ کے ترجمان نے امریکی کی کھلی قانون شکنی اور بے گناہ انسانوں کے قتل عام پر اقوام متحدہ اور سلامتی کونسل کی خاموشی کو افسوسناک قرار دیا ہے۔

 انھوں نے غزہ اور غرب اردن میں مظلوم فلسطینی عوام کی نسل کشی کشی پر مبنی غاصب صیہونی حکومت کے جرائم  اور لبنان کے خلاف اس کے دہشت گردانہ اقدامات کے ساتھ ہی یمن کے خلاف امریکی جارحیت جاری رہنے کو مغربی ایشیا میں بدامنی کا موجب قرار دیا ہے ۔ ایران کے دفتر خارجہ کے ترجمان نے اسی کے ساتھ  امریکا اور صیہونی حکومت کی جنگ افروزی اور قانون شکنی کے مقابلے کو علاقے کے سبھی ملکوں کی مشترکہ ذمہ داری قرار دیا ہے۔

ٹیگس