جنرل غلام رضا جلالی: زیرِ زمین میزائل سٹی ایران کی دفاعی حکمت عملی کی کامیابی کا ثبوت
ایرانی سول ڈیفنس آرگنائزیشن کے سربراہ بریگیڈیئر جنرل غلام رضا جلالی نے کہا ہے کہ زیرِ زمین میزائل سٹی ایران کی دفاعی حکمت عملی کی کامیابی کا منہ بولتا ثبوت ہیں۔
سحر نیوز/ ایران:موصولہ رپورٹ کے مطابق جنرل غلام رضا جلالی نے تہران میں ایک تقریب سے خطاب کرتے ہوئے انہوں نے کہا کہ سپاہ پاسداران انقلاب کی فضائیہ کے سابق سربراہ میجر جنرل شہید امیر علی حاجی زادہ نے ان میزائل ٹاؤنز کی تعمیر میں کلیدی کردار ادا کیا۔
انھوں نے کہا ہے کہ شہید حاجی زادہ کی قیادت میں تیار کردہ میزائلوں نے بارہ روزہ جنگ میں ایران کی دشمن پر عسکری برتری ثابت کر دی۔ جنرل جلالی نے کہا کہ جون میں امریکہ و اسرائیل کے خلاف بارہ روزہ مقدس دفاع کے دوران ایران نے اپنی عسکری قوت کا بھرپور مظاہرہ کیا۔
انہوں نے مزید کہا کہ ملکی دفاع کو مزید مضبوط بنانے کے لئے جنرل اسٹاف اور حکومت کے تعاون سے مشقیں منعقد کرنے کے متعدد منصوبے زیرغور ہیں۔
