کیا امریکہ کی جانب سے ایران کو مذاکرات کی پیشکش ہوئی ہے؟ تہران نے دیا جواب
تہران نے میڈیا میں امریکہ کی جانب سے مذاکرات کی پیشکش کے بارے میں خبروں کی تردید کردی ہے۔
سحرنیوز/ایران: تفصیلات کے مطابق اسلامی جمہوریہ ایران نے واضح کیا ہے کہ اسے امریکہ کی طرف سے جوہری مذاکرات کی بحالی کے حوالے سے کوئی پیغام موصول نہیں ہوا۔ بعض غیر مصدقہ رپورٹس میں دعوی کیا گیا تھا کہ واشنگٹن نے عمان کے ذریعے تہران کو مذاکرات دوبارہ شروع کرنے کی خواہش ظاہر کی ہے۔تحقیقات سے یہ بات بھی سامنے آئی ہے کہ وہ رپورٹ درست نہیں ہے جس میں دعوی کیا گیا تھا کہ ایران کو امریکہ کی جانب سے کوئی پیغام موصول ہوا ہے۔
اس سے قبل عراقی میڈیا ادارے نے دعویٰ کیا تھا کہ ایران کو عمان کے ذریعے واشنگٹن کی طرف سے ایک پیغام ملا ہے۔ پیغام گزشتہ جون سے معطل جوہری مذاکرات کی ممکنہ بحالی سے متعلق ہے اور اس میں امریکہ نے تہران کے ساتھ نئے مذاکرات شروع کرنے اور ایک نیا معاہدہ طے کرنے کی خواہش ظاہر کی تھی۔
