طوفان الاقصیٰ آپریشن روکنے میں ناکامی پر اسرائیلی فوج کے 3 بڑے جرنیل برخاست، دیگر افسران کے خلاف تادیبی کارروائی کا اعلان
اکتوبر 2023 میں طوفان الاقصیٰ آپریشن روکنے میں ناکامی کی بنا پر اسرائیلی فوج کے 3 بڑے جرنیلوں کو برخاست کردیا گيا ہے۔
سحرنیوز/عالم اسلام: اطلاعات کے مطابق 7 اکتوبر 2023 کو غاصب صیہونی حکومت کے خلاف کئے گئے تحریک حماس کے طوفان الاقصیٰ آپریشن کو روکنے میں ناکامی کی بنا پر غاصب حکومت نے اپنے 3 بڑے جرنیلوں کو برخاست کردیا ہے اور دیگر متعدد سینئر افسران کے خلاف تادیبی کارروائی کا اعلان کیا ہے۔
برطرف کیے گئے جرنیلوں کی فہرست میں 3 ڈویژنل کمانڈر ہیں، جن میں سے ایک اس وقت ملٹری انٹیلی جنس کے سربراہ کے طور پر کام کر رہا تھا۔ برخاست کئے گئے جرنیلوں میں جنوبی کمان کے سابق سربراہ جنرل یارون فنکلمین بھی شامل ہیں۔
علاوہ ازیں، نیوی اور فضائیہ کے سربراہان کے خلاف بھی تادیبی کارروائی کا اعلان بھی کیا گیا ہے جب کہ مزید 4 جرنیلوں اور متعدد سینئر افسران کے خلاف بھی اقدامات کیے گئے ہیں۔
واضح رہے کہ رائے عامہ کے جائزوں کے مطابق اسرائیلیوں کی ایک بڑی تعداد یہ مطالبہ کرتی رہی ہے کہ ایک کمیشن قائم کیا جائے جو یہ طے کرے کہ طوفان الاقصیٰ آپریشن میں ناکامی کے لئے کون ذمہ دار ہے تاہم صیہونی وزیر اعظم نیتن یاہو کی حکومت نے اب تک ایسا کمیشن تشکیل دینے سے انکار کیا ہے۔
ہمیں فالو کریں:
Follow us: Facebook, X, instagram, tiktok
