SAHAR

پاکستان اور ہندوستان کے درمیان جنگی صورتحال کے دوران سعودی وزیر مملکت برائے خارجہ عادل الجبیر اسلام آباد پہنچ گئے۔

سحر نیوز/ پاکستان: پاکستانی میڈیا ذرائع کے مطابق سعودی عرب کے سفیر اور وزیر مملکت برائے خارجہ کا اعلیٰ حکام نے استقبال کیا۔ سعودی وزیر مملکت برائے خارجہ عادل الجبیرکی پاکستان کے وزیراعظم شہباز شریف سے بھی ملاقات ہو گی۔

واضح رہے کہ گزشتہ روز پاکستان اور ہندوستان کے درمیان بڑھتی ہوئی کشیدگی کے دوران ایران اور سعودی عرب کے وزرائے خارجہ نے ہندوستان کا دورہ کرکے ہندوستانی ہم منصب جے شنکر سے ملاقاتیں کی تھیں۔

سعودی عرب کے وزیرمملکت برائے امور خارجہ عادل الجبیر نے ہندوستانی وزیرخارجہ جے شنکر سے ملاقات کی تھی، جس میں دونوں رہنماؤں کے درمیان باہمی دلچسپی کےامور پر تبادلہ خیال کیا گیا تھا۔