تھائی لینڈ اور کمبوڈیا کے درمیان فوری جنگ بندی پر اتفاق ہوگیا
اطلاعات کے مطابق تھائی لینڈ اور کمبوڈیا کے درمیان فوری طور پر جنگ بندی پر اتفاق ہو گیا۔
سحرنیوز/دنیا: میڈیا ذرائع کی رپوٹ کے مطابق تھائی لینڈ اور کمبوڈیا نے ایک مشترکہ بیان جاری کیا ہے جس میں کہا گیا ہے کہ فوجیوں کی نقل و حرکت روکنے اور سرحدی علاقوں کے شہریوں کو گھر واپسی کی اجازت پر بھی اتفاق ہوا ہے۔
مشترکہ بیان میں یہ بھی کہا گیا ہے کہ تھائی لینڈ کمبوڈیا تخریب کاری اور سائبر کرائم کا مقابلہ کرنے میں تعاون پر رضا مند ہو گئے ہیں۔
رپورٹ کے مطابق تھائی لینڈ اور کمبوڈیا کے درمیان جنگ بندی 3 روز سے جاری مذاکرات کے بعد ہوئی ہے۔
واضح رہے کہ جولائی میں سرحدی تنازعے کے بعد تھائی لینڈ اور کمبوڈیا کے درمیان 5 دن تک جھڑپیں جاری رہی تھیں، ان جھڑپوں میں دونوں ممالک کے 48 افراد ہلاک اور ایک اندازے کے مطابق 3 لاکھ کے قریب لوگ بے گھر ہوگئے تھے۔
ہمیں فالو کریں:
Follow us: Facebook, X, instagram, tiktok whatsapp channel
ملیشیا کے وزیراعظم انور ابراہیم اور امریکی صدر ڈونلڈ ٹرمپ کی ثالثی میں اکتوبر میں کوالالمپور میں دونوں ممالک کے درمیان امن معاہدے پر دستخط ہوئے تھے۔
گزشتہ 8 دسمبر کو تھائی لینڈ اور کمبوڈیا کے درمیان ایک بار پھر جھڑپیں شروع ہوگئی تھیں لیکن اب جنگ بندی پر اتفاق ہوگیا ہے۔
