SAHAR

پاکستان کے صوبہ بلوچستان میں انسداد دہشت گردی آپریشن میں کم سے کم سات دہشت گردوں کی ہلاکت کی خبر ہے۔

سحرنیوز/پاکستان: پاکستانی ابلاغیاتی ذرائع نے بتایا ہے کہ صوبہ بلوچستان میں فوج نے انٹیلیجنس بیسڈ آپریشن میں کم سے کم سات دہشت گردوں کو ہلاک کردیا ہے۔

پاکستانی فوج کے شعبہ تعلقات عامہ نے بتایا ہے کہ ہلاک کئے جانے والے دہشت گرد متعدد دہشت گردانہ کارروائیوں میں ملوث تھے۔

 میڈیا کے مطابق آپریشن میں دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔

آخری اطلاع ملنے تک فوج کا کلیئرینس آپریشن جاری تھا۔پاکستان کے وفاقی وزیر داخلہ محسن نقوی نے بتایا ہے کہ یہ آپریشن بلوچستان کے ضلع شیرانی میں کیا گیا ہے ۔

انھوں نے آپریشن کو کامیاب بتایا ہے۔