SAHAR

روسی صدارتی دفتر کے ترجمان نے کہا کہ روس کے صدر پوتین نے اسلامی جمہوریہ ایران کے سپریم لیڈر کے پیغام کا جواب اس ملک کے وزیر خارجہ کو سونپ دیا ہے۔

سحرنیوز/دنیا: موصولہ اطلاعات کے مطابق، کریملن کے ترجمان دمتری پیسکوف نے اطلاع دی ہے کہ روسی صدر ولادیمیر پوتین نے اسلامی جمہوریہ ایران کے وزیر خارجہ عباس عراقچی سے ملاقات کے دوران انہیں رہبر انقلاب اسلامی حضرت آیت اللہ العظمی سید علی خامنہ ای کے پیغام کا جواب سونپ دیا ہے۔

پیسکوف نے رہبر انقلاب کے نام پوتین کے پیغام کا حوالہ دیتے ہوئے کہا کہ یقینی طور پر ایران کے سپریم لیڈر کو نیک تمناؤں اور اصولی جواب پر مشتمل پیغامات دئے گئے ہیں۔ ایرانی وزیر خارجہ نے گزشتہ روز روس کے اعلیٰ حکام سے بات چیت اور صدر پوتین کو رہبر انقلاب کا تحریری پیغام پہنچانے کے لیے ایک سفارتی وفد کے ہمراہ ماسکو کا دورہ کیا تھا۔