یمن نے دہشت گرد اسرائیل کے خلاف کی طوفانی کاروئی، تل ابیب سے واشنگٹن تک مچی کھلبلی
May ۰۴, ۲۰۲۵ ۱۵:۲۵ Asia/Tehran
صیہونی ذرائع ابلاغ نے رپورٹ دی ہے کہ صیہونی سیکورٹی حکام یمنی میزائلوں کی جانب سے بری طرح پریشانی کا شکار ہیں۔
سحرنیوز/دنیا: صیہونی حکومت کے ریڈیو کے مطابق، یمنی میزائل 4 تہوں پر مشتمل فضائی دفاعی سسٹم کو ناکام بناکر بن گوریون ایئرپورٹ سے ٹکرائے ہیں جس کے نتیجے میں تل ابیب کے سیکورٹی حلقوں میں کھلبلی مچ گئی ہے۔
صیہونی سیکورٹی ذرائع کے مطابق، "حیتس 3" اور "تھاڈ" دفاعی سسٹم اس میزائل کو مار گرانے میں ناکام ہوئے ہیں۔
بتایا جا رہا ہے کہ یمن کے ہائیپرسانک میزائل کے ٹکرانے سے بن گورین ایئرپورٹ میں 25 میٹر گہرا گڑھا بن گیا ہے۔
