آئی اے ای اے کے ڈائریکٹر جنرل کو ایران اور امریکہ کے درمیان جامع ایٹمی معاہدہ ہو جانے کی امید

Jan ۲۱, ۲۰۲۶ ۱۳:۳۸ Asia/Tehran

بین الاقوامی ایٹمی توانائی ایجنسی، آئی اے ای اے، کے ڈائریکٹر جنرل رافائل گروسی نے ایران اور امریکہ کے درمیان جامع ایٹمی معاہدہ ہو جانے کی امید کا اظہار کیا ہے۔

سحرنیوز/دنیا: ارنا کی رپورٹ کے مطابق آئی اے ای اے کے ڈائریکٹر جنرل رافائل گروسی نےسوئٹزرلینڈ کے شہر ڈیووس میں عالمی اکنامک فورم کے اجلاس کے موقع پر ایک انٹرویو میں اس بات کا ذکر کرتے ہوئے کہ وہ ایران کے ساتھ ایک جامع ایٹمی معاہدے کی غرض سے مشرق وسطیٰ کے لئے امریکی صدر کے خصوصی ایلچی اسٹیو وٹکاف کی کوششوں کو نظر انداز نہیں کرسکتے، کہا کہ "مجھے امید ہے معاہدہ ہو جائے گا۔"

رافائل گروسی نے کہا کہ آئی اے ای اے کے انسپکٹروں نے ایران کی اُن تمام 13 ایٹمی تنصیبات کا معائنہ کرلیا ہے جِن پر امریکہ اور اسرائیل کی 12 روزہ جنگ کے دوران حملہ نہیں ہوا تھا لیکن ایران کی جِن تین ایٹمی تنصیبات (فُردو، نَطنز اور اصفہان کی تنصیبات) پر حملہ نہیں ہوا تھا اُن تک آئی اے ای اے کے انسپکٹروں کو دسترس کی اجازت نہیں ہے۔

ہمیں فالو کریں:

آئی اے ای اے کے سربراہ نے اس بات کا ذکر کرتے ہوئے کہ وہ فی الحال نہیں سمجھتے کہ ایران میں ایٹمی مواد سے متعلق سرگرمیاں غیر پُرامن مقاصد کی طرف منحرف ہوگئی ہیں، کہا کہ وہ عنقریب ایران کے وزیر خارجہ سید عباس عراقچی سے ملاقات کریں گے۔