ٹرمپ کا مشرق وسطیٰ دورہ شروع، ریاض میں امریکی صدر کا شاہی استقبال
May ۱۳, ۲۰۲۵ ۱۵:۵۴ Asia/Tehran
امریکی صدر ڈونلڈ ٹرمپ مشرق وسطیٰ کے 4 روزہ اہم دورے کے آغاز پر سعودی عرب کے دارالحکومت ریاض پہنچ گئے۔
سحر نیوز/ عالم اسلام: راشاتوڈی کی رپورٹ کے مطابق کہ امریکی صدر ڈونالد ٹرمپ، جو آج (منگل) کو ایک سرکاری دورے پر مشرق وسطیٰ روانہ ہوئے ہیں، ریاض ایئرپورٹ پر سعودی ولی عہد محمد بن سلمان کے استقبال کے بعد شاندار سرکاری پروٹوکول کے ساتھ سعودی شاہی محل میں داخل ہوئے۔ اس وقت وہ ریاض کے یمامه محل میں سعودی حکام کے ساتھ مذاکرات کر رہے ہیں۔
ویڈیو تصاویر میں دیکھا جا سکتا ہے کہ شاہی محل میں امریکی قومی ترانے کے دوران ٹرمپ فوجی انداز میں سلامی دے رہے ہیں۔
تفصیلات کے مطابق، ٹرمپ اور بن سلمان کی آمد کے وقت سعودی شاہی خاندان کے درجنوں افراد نے ان کا استقبال کیا۔
ٹرمپ کا مشرق وسطیٰ کا دورہ، جو آج 13 مئی سے شروع ہوا ہے اور 16 مئی تک جاری رہے گا (مطابق 23 تا 26 اردیبهشت)، سعودی عرب، قطر اور متحدہ عرب امارات کے دوروں پر مشتمل ہے۔
