ٹرمپ ایران کے سلسلے میں سفارتی کوششوں میں دلچسپی رکھتے ہیں: وائٹ ہاؤس

Jan ۱۳, ۲۰۲۶ ۱۶:۰۴ Asia/Tehran

وائٹ ہاؤس کی ترجمان نے کہا ہے کہ امریکی صدر ٹرمپ ایران کے سلسلے میں سفارتی کوششوں میں دلچسپی رکھتے ہیں۔

سحرنیوز/دنیا: وائٹ ہاؤس کی ترجمان کرولاین لیویٹ نے ایران کے خلاف واشنگٹن کی دشمنانہ پالیسیوں کی شکست کے بعد دعویٰ کیا ہے کہ امریکی صدر ٹرمپ ایران کے سلسلے میں سفارتی کوششوں میں دلچسپی رکھتے ہیں۔ وائٹ کی ترجمان نے فاکس نیوز کے ساتھ گفتگو کرتے ہوئے دعویٰ کیا کہ امریکی صدر ٹرمپ کا کہنا ہے کہ سفارت کاری کو ہی پہلی ترجیح حاصل ہے۔

انہوں نے اس جانب اشارہ کرتے ہوئے کہ ٹرمپ ہمیشہ مختلف آپشنز کو مد نظر رکھتے ہیں دعویٰ کیا کہ سفارتی آپشنز میں ان کی دلچسپی ہے۔

وائٹ ہاؤس کی ترجمان نے ایران کے امور میں امریکہ کے خصوصی نمائندے وٹکاف کے کردار کو اہم قرار دیا۔

ہمیں فالو کریں:

قابل ذکر ہے کہ ایران کے وزیر خارجہ سید عباس عراقچی نے کل تہران میں غیر ملکی سفارت کاروں کے اجلاس میں ایران کی تازہ ترین صورت حال کی وضاحت کرتے ہوئے کہا کہ ہم جنگ نہیں چاہتے تاہم جنگ کے لئے تیار ہیں بلکہ بارہ روزہ جنگ سے بھی زیادہ آمادہ ہیں۔