اقوام متحدہ کا اسرائیل سے این جی اوز پر پابندی کا فیصلہ واپس لینے کا مطالبہ
اطلاعات کے مطابق اقوام متحدہ نے اسرائیل سے نجی تنظیموں (این جی اوز) پر پابندی کا فیصلہ واپس لینے کا مطالبہ کردیا ہے۔
سحرنیوز/عالم اسلام: میڈیا رپورٹوں کے مطابق اقوام متحدہ کے سیکریٹری جنرل اینٹونیو گوتریش کو اسرائیلی حکام کی طرف سے مقبوضہ فلسطینی علاقوں میں متعدد بین الاقوامی غیر سرکاری تنظیموں کی سرگرمیاں معطل کرنے کے اعلان پر گہری تشویش ہے۔
واضح رہے کہ اسرائیل نے مقبوضہ فلسطینی علاقوں میں متعدد بین الاقوامی این جی اوز کی سرگرمیاں معطل کرنے کا فیصلہ کیا ہے۔
غاصب اسرائیلی حکومت نے "قانونی رجسٹریشن کے تقاضوں کو پورا کرنے میں ناکامی" کا حوالہ دیتے ہوئے غزہ اور مغربی کنارے میں کچھ بین الاقوامی تنظیموں کے آپریٹنگ لائسنسوں کو منسوخ کرنے کا عمل شروع کر دیا ہے۔ ایمنسٹی انٹرنیشنل، ڈاکٹرز وداؤٹ بارڈرز اور آکسفیم سمیت 53 بین الاقوامی این جی اوز نے اس فیصلے کے سنگین انسانی نتائج سے خبردار کیا ہے۔
ادھر پاکستان، مصر، انڈونیشیا، اردن، قطر، سعودی عرب، ترکیہ اور متحدہ عرب امارات نے غزہ پٹی میں بگڑتی انسانی صورتِ حال پر اظہار تشویش کیا ہے۔
مسلم ملکوں نے غزہ پٹی میں بگڑتی انسانی صورتِ حال پر اظہارِ تشویش کرتے ہوئے عالمی برادری سے اسرائیل پر غزہ میں پابندیاں ختم کرنے کے لیے دباؤ ڈالنے کی اپیل کی ہے۔
ہمیں فالو کریں:
Follow us: Facebook, X, instagram, tiktok whatsapp channel
مسلم ممالک کے وزرائے خارجہ نے مشترکہ بیان میں غزہ میں بنیادی ڈھانچے اور اسپتالوں کی بحالی اور رفح کراسنگ کھولنے پر زور دیا ہے۔ 8 مسلم ممالک کے وزرائے خارجہ نے مشترکہ بیان میں کہا کہ بارشوں اور طوفان نے غزہ کی انسانی صورتِ حال سنگین بنا دی ہے، موسم کی شدت نے غزہ پٹی کی نازک حالت بےنقاب کردی ہے۔ سرد موسم میں زیر آب آئے خیموں اور غذائی قلت نے انسانی زندگی کو خطرات بڑھا دیے ہیں۔
