سلامتی کونسل میں ایران کے ایٹمی مسئلے اور قرار داد 2231 پر زوردار ہنگامہ
سلامتی کونسل ایران کے ایٹمی مسئلے اور قرار داد 2231 کے بارے میں سفارت کاروں کے درمیان لفظی جنگ کے میدان میں تبدیل ہوگئی۔
سحرنیوز/دنیا: ارنا کی رپورٹ کے مطابق روس اور چین کے مندوبین نے کہا کہ ایران کے ایٹمی پروگرام کے بارے میں قرار داد 2231 ختم ہوچکی ہے اور اس تعلق سے سلامتی کونسل کے اجلاس، اسنیپ بیک اور اقوام متحدہ کی ایران مخالف پابندیوں کی بحالی کی کوئی بنیاد نہیں ہے۔
اس کے مقابلے میں امریکہ، برطانیہ، فرانس اور بعض دیگر یورپی اراکین نے قرار داد 2231 کے باقی رہنے اور اقوام متحدہ کی پابندیوں کی بحالی پر زور دیا اور مطالبہ کیا کہ امریکہ اور صیہونی حکومت کے حملوں میں ایران کی جن ایٹمی تنصیبات کو نقصان پہنچا ہے، آئی اے ای اے کو ان کے معائنے کی اجازت دی جائے۔
اس کے جواب میں اقوام متحدہ میں ایران کے مستقل مندوب امیر سعید ایروانی نے کہا کہ قرار داد 2231 ختم ہوچکی ہے۔
انھوں نے کہا کہ ایران اصولی سفارت کاری اور حقیقی مذاکرات کا پابند ہے لیکن زور زبرستی، دھمکی اور سیاسی دباؤ ہرگز قبول نہیں کرے گا۔
انھوں نے کہا کہ اس وقت امریکہ، فرانس اور برطانیہ کی ذمہ داری ہے کہ اعتماد کی بحالی کے لئے عملی اقدامات انجام دیں۔
ہمیں فالو کریں:
Follow us: Facebook, X, instagram, tiktok whatsapp channel
ایرانی مندوب نے امریکی مندوب کو مخاطب کرکے کہا کہ ہم ہر قسم کے با مقصد اور منصفانہ مذاکرات کا خیر مقدم کریں گے لیکن یورینیم کی صفر افزودگی کا مطالبہ قانون اور این پی ٹی کے تحت ایران کے مسلمہ حقوق کے منافی ہے۔
